ကြားကာလ တရားဥပဒေစိုးမိုးရေးဆိုင်ရာ ကြိုးပမ်းဆောင်ရွက်ချက်များ
သတင်းစာရှင်းလင်းပွဲ
~~~~~~~~~~~~~~~~~~~
၂၀၂၄ ခုနှစ်၊ စက်တင်ဘာလ ၁၁ရက်
ယနေ့ ၂၀၂၄ ခုနှစ်၊ စက်တင်ဘာလ ၁၁ရက် တွင် အမျိုးသမီး၊လူငယ်နှင့်ကလေးသူငယ်ရေးရာဝန်ကြီးဌာန(MOWYCA) ၊ ပြည်ထဲရေးနှင့်လူဝင်မှုကြီးကြပ်ရေးဝန်ကြီးဌာန(MOHAI) ၊ တရားရေးဝန်ကြီးဌာန(MOJ) ၊ မဟာဗျူဟာမြောက်ဆက်သွယ်ရေးနှင့် ပြည်သူ့ဆက်ဆံရေးယူနစ်(SCPRU) တို့မှပူးပေါင်းပြီး “ကြားကာလ တရားဥပဒေစိုးမိုးရေးဆိုင်ရာ ကြိုးပမ်းဆောင်ရွက်ချက်များ ” ခေါင်းစဥ်ဖြင့် သတင်းစာရှင်းလင်းပွဲပြုလုပ်ခဲ့ပါသည်။
အဆိုပါသတင်းစာရှင်းလင်းပွဲ တွင် အမျိုးသမီး၊ လူငယ်နှင့် ကလေးသူငယ် ရေးရာဝန်ကြီး ဌာနမှ ဝန်ကြီး နော်စူစန်နာလှလှစိုး တက်ရောက်ခဲ့ပြီး အမျိုးးသမီး၊ လူငယ်နှင့်ကလေးသူငယ်ရေးရာဝန်ကြီးဌာနမှ ဦးတည်ချက်များ၊ ဝန်ကြီးဌာနတွင်တာဝန်ထမ်းဆောင်နေသောဝန်ထမ်း၊ စေတနာ့ဝန်ထမ်းများ၏ကျင့်ဝတ်များ၊ မဟာဗျူဟာနှင့်မူဝါဒရေးဆွဲခြင်း၊ လိင်အကြမ်းဖက်ကျူးလွန်မှုမှတ်တမ်းများ၊ လိင်အခြေပြု အကြမ်းဖက်မှုများအတွက် အရေးပေါ်ဝန်ဆောင်မှု မူဝါဒလမ်းညွှန်ချက်များ၊ လိင်ပိုင်းဆိုင်ရာထိပါးနှောင့်ယှက်ခြင်း၊ အမြတ်ထုတ်ခြင်းနှင့် မဖွယ်မရာပြုခြင်းဆိုင်ရာအကာအကွယ်ပေးမူဝါဒများ၊ လုပ်ငန်းတာဝန်များနှင့် အရေးယူဆောင်ရွက်မှုများ စသည့်ခေါင်းစဥ်များဖြင့် ရှင်းလင်းတင်ပြခဲ့ပါသည်။
တက်ရောက်လာသော အပြည်ပြည်ဆိုင်ရာ အဖွဲ့အစည်းများ၊ သံရုံးများ၊နှင့် မီဒီယာများမှ မေးမြန်းခဲ့သော မေးခွန်းများကိုလဲ ဝန်ကြီးမှ ပြန်လည်ဖြေကြားခဲ့ပါသည်။
