Michigan ပြည်နယ်ရှိ Burma Center မှ Executive Director, Christina Khimနှင့် အမျိုးသမီး၊ လူငယ်နှင့် ကလေးသူငယ်ရေးရာ ဝန်ကြီးဌာနမှ ပြည်ထောင်စုဝန်ကြီးနှင့်တွေ့ဆုံခြင်း

Michigan ပြည်နယ် ရှိ Burma Center သို့ တာဝန်ရှိသူများ၏ ဖိတ်ကြားချက်အရ အမျိုးသမီး၊ လူငယ်နှင့် ကလေးသူငယ်ရေးရာ ဝန်ကြီးဌာန၊ ပြည်ထောင်စုဝန်ကြီး နော်စူစန်နာလှလှစိုးနှင့် အမျိုးသမီးအဖွဲ့များမှ သွားရောက်လေ့လာ၍ လုပ်ငန်းရပ်များအား ဆွေးနွေးအားပေးစကားပြောကြားခဲ့ပါသည်။

Burma Center မှ Executive Director ဖြစ်သော Christina Khim မှ Burma Center ၏ လုပ်ငန်းရပ်များဖြစ်သော မူကြိုကလေးများအစီအစဉ်၊ မြန်မာစာသင်ကြားရေး၊ ကျန်းမာရေး ဝန်ဆောင်မှု၊ အလုပ်အကိုင်ရှာဖွေရေး၊ ဘာသာပြန်လုပ်ငန်း၊ ပညာရေးအစီအစဉ်များ အစရှိသည့်လုပ်ဆောင်နေမှုများအား ရှင်းလင်းပြောပြခဲ့ပါသည်။

ပြည်ထောင်စုဝန်ကြီး နော်စူစန်နာလှလှစိုးမှလည်း အမျိုးသားညီညွတ်ရေးအစိုးရ၏ လုပ်ဆောင်ချက်များ အမျိုးသမီး၊ လူငယ်နှင့် ကလေးသူငယ်ရေးရာ ဝန်ကြီးဌာန၏ ဝန်ဆောင်မှုလုပ်ငန်းများအား ရှင်းလင်းပြောကြားခဲ့ပါသည်။